သုိ႔ .......မွ (by harmonious)
ခံစားချက်တွေ ပြင်းထန် မီးလျှံလို ပေါက်ကွဲ
သူ့ အသည်း အဲလောက်မာလား
ငါမသိခဲ့လို့ပါ....
သူ့အဖို့ ငါဟာဘာလဲ သာယာရုံသက်သက်လား
မနှိပ်စက်သင့်ဘူး ခုလိုမျိုး
တစ်ခုခုလွဲနေတဲ့ ငါ့အပေါ်ကို
အပျော်သဘောတော့ မလုပ်ပါနဲ့....
ရှုပ်တယ်လို့ နင်သတ်မှတ်ရင်
ခပ်ပြတ်ပြတ်ပဲ ပြောလိုက်ပေါ့
အလိုက်အထိုက်ဆိုတာ မကောင်းဘူး....
ဟောင်းနေတဲ့ နှလုံးသားနဲ့ ငါ့မှာ
ပြစရာက ရင်ခွင်ဗလာပဲ
လာခြင်းမကောင်းတဲ့ အဖြစ်တွေက
အပြစ်ဆိုတဲ့ စကားလုံးနဲ့ပဲ တန်တယ်...
မှန်တယ်လို့ ဇွတ်အားတင်းထားလဲ
စကားတွေက မရေမရာ မသေချာတဲ့ အနာဂတ်တစ်ခုနဲ့
ဟတ်ထိုးလဲကျခါနီး ငါ့ကို အပူမီးတွေငြိမ်းသတ်
ပိန်းပိတ်အောင် မှောင်နေတဲ့လမ်းကို
စမ်းတဝါးမဖြစ်စေဖို့
မင်းအချစ်နဲ့ လမ်းပြမပေးနိုင်ရင်တောင်
ရင်ခုန်သံ အစစ်တစ်ချက်လောက်တော့ ကြားခွင့်ပြု....
အခုလိုရှိနေပေမယ့်လို့ နဲ့တဲ့တဲ့ ငါနှလုံးသားရဲ့ အဝေးကို သွားတဲ့အခါ
တားခွင့် မရှိတာ သိပြီးသား....
ခုသိရှိထားတဲ့ နားလည်မှုတွေက
အပြုသဘောဆောင်မှာလား ထားလိုက်ပါတော့....
အတုဆိုရင် ခုတည်းက ငဲ့ညှာတဲ့ အနေနဲ့
တည့်တည့်သာပြောလိုက်ပါ....
ငါဟာ မင်းအတွက် တစ်ချိန်မှာ ဟာသ မဖြစ်ချင်ဘူး....
ဘာလို့လဲဆိုတော့ ငါ့နှလုံးသားက
ခံနိုင်ရည်တွေ ကုန်ခမ်းလုနီးပါးဖြစ်နေလို့
စို့နေတဲ့မျက်ရည်တွေကို မင်းမမြင်အောင်
ရင်ခွင်တစ်နေရာမှာ လှောင်ထားလိုက်မယ်
သေချာအောင် မင်းငါ့ကို တစ်ခုခုပြော....
...................................................
ချစ်သူသိပါစေ
ညနေပိုင်း နာရီတွေက ငါ့ကိုခြောက်လှန့်
ရင်ခွင်ကို အပိုင်းပိုင်းဖြတ်နေသလိုပဲ....
ငါ့ပျော်ရွှင်မှု ပုံမှန်ချိန်တွေကို
တစ်စစ ဖျက်ဆီး ငါ့ကိုယ်ငါတောင် မသိတော့ဘူး
ဒီလိုချိန်တွေကို ငါကျော်လို့ရချင်တယ်
မိုးချုပ်မယ့် အချိန်တွေ အပါအဝင်ပေါ့
နောက်နေ့တွေလဲ ဒီလိုပဲလား
ငါ့ရင်မှာ လောင်ကျွမ်းနေပြီ....
