အသံတစ်သံကြားနေရတယ်….
ဦးနှောက်ထဲမှာဝီခေါ်အောင်မြည်နေတဲ့အသံ
ဦးခေါင်းတစ်ခုလုံးပေါက်ထွက်သွားတော့မတတ်ပဲ
နားပိတ်ထားလည်းကြားနေရတယ်
ဘယ်နေရာကိုပဲရွှေ့ရွှေ့အသံကလိုက်လာတယ်
အဲဒီ့အသံကိုမုန်းလွန်းလို့မကြားချင်တော့ဘူး
အဲဒီ့အသံရပ်ပါစေလို့ဆုတောင်းပြီးရင်းတောင်းနေရတယ်
တစ်ချက်တစ်ချက်တိုးသွားတယ်
အသံပျောက်သွားပြီထင်လို့ပျော်နေတုန်းပြန်ကျယ်လာပြန်တယ်
တော်ပါတော့….. တောင်းပန်ပါတယ်…..
ဟော…..
ရုတ်တရက်ဆိုသလိုအဲဒီ့အသံပျောက်သွားတယ်
ခဏလေးနားစိုက်ထောင်ကြည့်လိုက်သေးတယ်
အသံတစ်ကယ်ပျောက်သွားတယ်
အား…ကောင်းလိုက်တာ….
နားကိုချမ်းသာသွားတာပဲ
ခုမှပဲအေးအေးချမ်းချမ်းအိပ်ရတော့မယ်
0 ယောက်အကြံပေးပါတယ်..:
Post a Comment